Odense, 30. maj 1527 Sammenfatning, DanskFranciskanermunken Anders, Skriftefader for St. Klare Kloster i Odense, beder Christiern den Anden, at et Skrin med Penge, som Sigbrit har givet Nonnerne af St. Klare i Kjøbenhavn i Bevaring, maa deles mellem begge Klostre; Søstrene i disse Klostre mindes med Taknemmelighed Kongens og hans Moders Velgjerninger, og bønfalde stadigen Gud om hans Tilbagekomst.Odense, 30. maj 1527 Originaltekst, TyskMynen plichtighen vnde wilighen dienst altijd tho gadhe. Durchlueclitighe vnde hoechboren fforst, iuwer k. g. wii belieuen tho weten, dat ick broder Andries, Saucle Claren susteren tho Odenzee bicht vader, byn hier tho Mechelen ghesant van mynem ouersten om den bryff der ffundacien tho haelen, daer dem voeruoemde cloester vnde sustern grote macht an licht. Onse vader gardiaen vnde moder abdiss myt all hoer lieue sustern bedancken iw k. g. hoecblick voer die grote lieffde des bryffs haluen vnde all ander guet onsen orden vnde Sinte Claren mennnichuoldelick bewesen, sunderlingh den armen susteren tho Odenzee vnde tho Koppenhagen, iuwer g. frow moders saligher gedechtenus sunderlinghe vnde wtuerkorene kynderen. Sy sint oeck dancber, als my wittrlick is; want wat daer dach vnde nacht geschiet voer iuwer k. g. vortganck vnde bescherminghe, is dem almechtighen gade vnde my bekant. Vort an als iuwer k. g. wael weet, dal Sibrecht, do si van Koppenhagen voer, vnde ick op die tijt by den susteren was, gaff my tho bewaeren een schryn myt een vnde ander, dat si voer den armen versaemelt hadde, nu is myn oetmodighe bedhe vnde begert, dat Iuwer g. wolde aensien den groten armoet, die nu in dussen twen voernoemden cloesteren is, vnde syn behul[p]lich vnde willigh Sibrecht moder dat si consentyr vnde beliue, dat dusse arme susteren iuwer k. g. trouwe dienarsche moghen annemen vnde bruken dat too har nootroft, want ick haep des dem almechtighen gade nyet tho mishaegen, na dem mael daer so grote armoet is, vnde eth voer den armen ghegeuen sy. Woest Iuwer g., al so eth gad vnde my bekant is, die belegenhelt vnde heimelicken armoet sy nu hebben, eth solde iuwer g. van herte leet syn. Mer om haer viande nyet tho verblyende, der gad betert voel is, en wille sy nyet bekant syn besonderlingh tho Odenze, dat si so groten armoet hebben. Sy liden vnde verwachten myt groter begerten, haepende dach vnde nacht, dat iuwer g. nochte komen tho der stede als tho voeren, vnde dat selue oec wy arme broders. Hier aff vnde van ander dingen voel meer hed Ick Iuwer g. bryff mede bracht van onsen vader gardiaen vnde moder abdiss; mer die tijt en was nu also nyet ghelegen &c. Wat iuwer g. nu in dussem voerscreuen doen will, beger ick oetmodelick dat Iuwer g. myt dem gardiaen van Mechelen bryff bestelle an onser minster tho Dueren, daer sol by wesen inder conuocacy priorum op Sinte Marie Magdalenen dach nu naest tho komende. Oeck so, oftet also gheschiede vnde iuwer g. belieffde, dat dusse voerscrenen aelmisse tho dessen tween steden queeme, so beger ick oetmodelick, dat onse minster van iuwer g. daer beuel op kryghe dit tho schycken vnde the partyren. daer hem meest van noede duncket the wesen. Hier mede iw k g. dem almechtighen gade beualen. Ex conuentu fratrum minorum Mechilinie ipso die ascensiunis domini anno virginei partus xvc vnde xxvij per me iuwer k. g. willighe dienre tho liue vnde ter ziclen altijt. Broder Andries.Udskrift:Durchluecbtichsten vnde hoechboren fforst vnde heer, koninckh Cristiern, Dannemarckes o.s.v., werde myt reucrency ghepresentiert dusse bryff. | Kilde:Breve og Aktstykker til Oplysning af Christiern den Andens og Frederik den Førstes Historie nr. 226 s. 477-79. Emneord:Opland
-
Konger og dronninger
-
Gejstlige institutioner og personer
- Guardian
- Kloster
- Abbedisse
|
