Ribe, 15. april 1521 Originaltekst, TyskAnno xxj. Cornelius.Mandages na Misericordia dominj de bescheiden Hinrich van Wolde vor vns ouer ener Cornelius Euertzen van Meidenblich vmme ii?c gulden hefft gheklaget em plichtich tho syn. Alzo na rede vnde wedderrede gemelte Cornelius gheantwardet, he wy em hantscriffte vppe jc r.. g.. ouerantwarden, welch de erzame Laurens Seuerinszen, borgher tho Ripen, em gheuen hefft; wes dar na steit, wyl he em ock sunder allen schaden betalen; edder ock mydt ghenompte Hinrich tho Ripen wyl reiszen vnde klagelosz maken; schut deme szo nicht, alzo schal gedachte Cornelius hir thor steden blyuen, wo he sick vor deme erszamen Marquart Holst, vnse medeborgermester, mandages in den passchen hefft vorplichtiget mydt eeden vnde lofften, nicht van hir tho scheiden, er gherorde Hinrich klagelosz blifft, in jegenwardicheit der erszamen Laurens van Halen, borger tho Stude, Tomis Peterszen, borger to Ripen, vnde Peter Vestersen hir bynnen. Des hefft genompte Hinrich vppe dessze handelinghe vnde beleuynghe des radesz breff. | Kilde:Diplomatarium Flensborgense II 21. Emneord:Bystyret og andre verdslige institutioner og personer - Borgmester Mønt, mål og vægt - Møntsort |
