Ribe, 6. april 1537 Originaltekst, TyskAuschultata (et trate est præsens copia ex Danica lingua in Almannicam lingvam) per me Johannem Tymesser Norarium publicum Slesvicensis diocesis et concordat cum suo xero originali, quod attestor manu propria.Wy naschrevene Clawes Sestedhe up Riper Hus, Lange Lauerens Borghemeister, Anders Lassen Radtman, Peter Smyth Stadtvage unde Tocke Schriver; Herskoppes Skriwer bynnen Rypen, doen witlich vor alß weme myth dußem unsen apenen Breff, at am Iar MDXXXVII Mandags negest na Judica, do was grotmeschtige hochgebarne Forste, Here, Her Christiann, uthgewelter Koningk to Dennemarcken unde Norweghenn, Hertog tho Scleßwick, Holsthein ect. unse leveste gnedigeste Here, in siner Kopstadth Ripenn, vorhandelde und schickede, myt Dennemarckes Radtt, Borgermeistere und gemeyne Borgere bynnen Rypenn, Nachdeme dath der Grawen Brodere Closther darsulvesth were gebuweth und lege synes Ko. Mats. Slate unde Bevestinghe veel tonha, so dat in tokamenden Tyden worde bedruchtende, dat de Biande konden hebben eren Heghenn und Schull da vn den groten vasten Steenmurenn, so na den Slate gebuweth. Darumme hefft syn. Ko. Matt. bevalen Borghemesther und gemeine Borgere, dat se slicht nedderbreken fulvige vorbenomede Closster beth an den Grunth, unde syn Ko. Matt. heft uth sunderliker Gunst und Gnade gegunth der Gementhe eyn Hus tho einem Radthuße, unde de Stede tho eine gemeyne Plaß und Marketh vor den Kopludenn. Darumme konen de genomten Brødere nenerleye Wys yn dyth Closther wesen, darumme synt desulvige arme Brødere nu up erer rechten Reyße to wanderende to anderen eren Clostheren yn Dennemarckenn. Unde se hebben gewesth und leeth hyr ynt Closther und yn der Stadt, alze erliken armen Broderen to behortt, unde wy dancken en alle Ere, Doghett und gudtt. Des gelyken hebben se unde gedaen gude Rede und Rekenschop von allen Dynghen, so ymme Closter weren. Hyrumme bydde wy allen, weme se vorkamen und handen, dat se de armen Broderen stercken unde helpen to dat Besthe, dat vorschulde wy alle Tydt gerne. Geschreven bynnen Ripen Fridages nha Quasimodogeniti am Jare wo baven schrewen. Thor Tuchniße hebbe wy Claws Sestede, up Riperhus, Lange-Laverens Borgemeisther, Anders Laffen, Peter Smydtt, Tocke Schriver bavengerorth, unse Ingesegel lathen drucken nedden vor dußen unsen Breff. | Kilde:Vermischte Nachrichten und Urkunden s. 26 s. Emneord:Konger og dronninger - Bystyret og andre verdslige institutioner og personer - Borgmester - Rådhus - Rådmand - Skriver Byens bebyggelse - Hegn og skel - Borg og slot Erhverv - Håndværkere af alle slags - Smede, div. Gejstlige institutioner og personer - Kloster |
