Odense, 12. juni 1535 Sammenfatning, DanskJohan Rantzau m.fl. melde Kong Christian den Tredie Seiren paa Øxnebjerg og Erobringen af Assens. Odense, 12. juni 1535 Sammenfatning, TyskLeiren paa Øxnebjerg, den 12. Juni 1535.Durchleuchtigste, hochgeborne forste, gnedigster herre und konigh. Wy mogen jwer Ko. Mat regest erbedinge unser uilligen und schuldigen diensten guder wolmeynunge und vor nige lydinge dienstlicker meynunge nicht bergen, Wo wy gestern fridage ware tydinge van den vhynden gekregen, wo so van Foeborch Upgetagen syn der meynunge uns int leger tho fallende Edder darulh tho leckende, Alsdenne wolden sie uns begegen, unnd die in der stadt Asznisse scholden uthfallen und uns van hinden tho angripen. So hebben wy die vhiande waren und besichligen laten, So synt sie . . Krieglude tho ross und fothe, alse nemlich mit vier venlein rutheren und negen fenlein lantzkneckten, nha uns und iwer Kon. Mat feltlager thogetagen. So syn wy mit ruteren und Knechten samptlick upgebraken, ohne under ogen getagen, Also dat wy umb sosz slege up nhamiddach ein gantz dapper und ernstlich drepen van ruthern und lantzknechten am Ochsenberge geheten gcscheen is (sie), und Got almechtigek uns die gnade. die syne gotliche gnade mothe gelavel syn, gegeven, dat wy, so balde dat erste drepen gescheen, unse viande alse ruter und Knechte stracks up die flucht geschlagen und die verfolget wenthe in der nacht. Darunder denne grafe Johan van der Hoya, die graffe van Teckelnborch alse van den vorenemesten doeth gebleven, und den bischop van Upsal, Reymer van dem Wolde, Hinrick van der Decken, sampt andern mher junckern und Knechten gefangen, glick I. K. M. uth herin gelechten registeren des ohre nhamen fynden werden, und also mit Gads hulpe und geweldiger handl dat felt behalden hebben. Dartho ohne alle erhe geschutte und dartho uol aver die 400 wagon gewumnen. Averst so balde uns die vhiande vor dem drepende und met dem ersten gesehen, hebben sie eynen hohen berch alse thom vordeyl ingenamnen und die wagon umb sick her fforen laten, in nieynunge wy scholden mit unsem drepende nicht an sie langen konnen. Averst wy hebben sie mit dapperm drengende heruth gofordert, dat sie aus kamen wie ein will schwyn. Glick hobbe wy sie ock in mathen vorgeschreven entpfangen. Wes sick nun henforder thodragende und wy anfangende werden, schal I. Ko. Mat alse unsem gnedigistem hern und konige, deme wy vlitich tho denende uillich und uns ock plicklich tho donde erkennen, vurder unvorborgen bliven. Dalum ilende in jwer Ko. Mat feltlager vnd Walstede die Ossenberch genometh, darup och die viande geschlaegen, ein grote halve myle van Asnisse in Fhune, under unser eyns pilscher, am sohnauende negest nha Barnabe Anno &c. 35. I. K. Mat gantz uillige Iohan Rantzaw, Iven Reventlaw, rittere, Detlef Brocktorp, Erick Krummendick, Reinold van Heiderstorp, Christoffer und Busse van Velthem, Cordt van Haenstein und Cordt Pfenningk. | Kilde:Aktstykker til Nordens Historie i Grevefeidens tid I-II II nr. 48 s. 99 - 100. Emneord:Konger og dronninger
-
Byliv
- Krigshandlinger og leding
|
