Odense, 13. juni 1535 Sammenfatning, DanskHertug Albrecht af Meklenborg underretter Raadet i Rostok om Nederlaget i Fyen.Odense, 13. juni 1535 Originaltekst, TyskKorsør, den 13 Juni 1535.Von gots gnaden Albrecht hertzogk zu Meckelnborgk.Vnnsern gunstigen grus zuuorn. Ersamen lieben getrewen, Wir mogen euch nicht verhalten, das vns an ilzt vorschienen freytagk zu Abende vmb Funff slegen anfenglich Jn Fune vnder vnserm kriegsfolcke eyn vngefal zugeslanden, vnd die niedderlage etlicher massen erlitten; Wiewol, vnd es die gantze warheit, das der Feindt dieser sachen nicht vast gewyn haben wirt, Angesehen das sie treffentlich viel mehr todten vnd venwunten, vnder Jrhem Reysigen hauffen sonderlich, den wir gelassen. Demselben nach Musz keyns wegs gewunnen geben werden, vnnd dieweyl euch nun diese handlung aller ewer wolfart neben andern zum hogsten anligt vnd betrifft, So erfordert die hochste nottorff dartzu Ernstlich zuthuen, vnnd ist derwegen vnser gantz vleissigs gesynnen. Jr wollet euch vndereinander der sach allenthalben weiter auffs Eylichest vereinigen, Darmit ferrer dartzu verdacht vnnd gethan, was sich Jn diesem fhal nottorftiglich fordern wil, das die sehe mit schiffen vffs sterckste eingenommen werde, vnd darmit nicht seumen, dan, vp got wil, anhe alle fhar vnd mangel sein sol; Auch darjn gehertzet vnd wol getrost seit vnd pleibt, Den es sol auch an vnser aller seits vleis nicht mangeln, Angesehen das wir noch das Meiste teyl der Reuter vnd eine guthe antzal knechte behalten haben. Das wir euch also Jn gantzer Eyle nicht gewust zuuerhalten. Datum Kossor am Sontage nach Barnabe Anno p. xxxv.An Rath zu Rostockh. | Kilde:Aktstykker til Nordens Historie i Grevefeidens tid I-II I nr. 230 s. 425 - 26. Emneord:Byliv
- Krigshandlinger og leding
|
