Roskilde, 1026 Sammenfatning, LatinChronicon Roskildense.Roskilde, 1026 Originaltekst, LatinRichardo suam dedit sororem, nomine Estrith. Que ab illo repudiata duci Vlf sine fratris consensu est coniuncta. Quod audiens Kanutus inimicari cepit Vlf et sorori sue in tantum, ut eciam eos de regno expelleret. Tandem precibus multorum et auxilijs sub quadam simulacione reconciliatus non post multum temporis fecit Vlf interfici in ecclesia Roskildensi, euntem ad matutinas. Quem uxor sua Estrith honorifice sepeliuit, ecclesiamque lapideam in loco lignee construxit, quam multis modis ditauit. Habuitque ex eo duos filios, Svenonem et Byorn. Quo peracto Kanutus reuersus est in Angliam ibique uitam finiuit.parcens iratus. Cuius temporihus mater regis Svenonis Estrith ecclesie Roskildensi .1. mansos filio consenciente contulit, quos prescriptus episcopus sigillo et priuilegio ecclesie confirmauit. Nec multo post Villelmus obijt, cui gloriosus rex Sveno equiuocum suum et capellanum subrogauit, uirum quidem omni morum probitate clarissimum et omnium antecessorum longe optimum. Terror (erat) male faciencium, remuneracio beniuolencium, pater patrie, (decus) cleri et salus populi, egregius pietate et qui omnia uellet ad perfectum ducere. Ipse Roskildensem ecclesiam fere ueluti a fundamento fundauit, quam egregia corona et marmoreis columpnis omnibusque ornamentis decorauit. Ipse claustrum lapideum fratribus construxit et, ut .XV. prebende essent, de mensa sua fratribus et ecclesie, quam in honore sancte Trinitatis consecrauit, addidit. Preterea monasterium Ringstathia in honore sancte Marie construxit, aliud Slagløsii. | Kilde:Scriptores minores historiae. Danicae Medii Aevi, Ex codibus denuo recensuit. I s. 21 + 23. Emneord:Konger og dronninger
-
Gejstlige institutioner og personer
- Kirkegård
- Kloster
|
