Roskilde, 17. maj 1252 Sammenfatning, DanskPave Innocens 4. eftergiver alle, der bidrager til bygningen af franciskanernes kirke i Roskilde, 40 dages kirkebod.Roskilde, 17. maj 1252 Originaltekst, LatinInnocentius episcopus seruus seruorum dei. uniuersis Christi fidelihus presentes litteras inspecturis. salutem et apostolicam benedictionem. Quoniam ut ait apostolus omnes stabimus ante tribunal Christi recepturi prout in corpore gessimus siue bonum fuerit siue malum oportet nos diem messionis extreme miscricordie operibus preuenire ac eternorum intuitu seminare in terris quod reddente domino cum multiplicato fructu recolligere debeamus in celis firmam spem fiduciamque tenentes. quoniam qui parce seminat parce et metet. et qui seminat in benedictionibus de benedictionibus et metet uitam eternam. Sane dilecti filii. .. [m]inister et fratres ordinis fratrum minorum Rosquildensium ibidem sicut accepimus ecclesiam cum aliis edificiis suis usibus oportunis ceperunt construere in qua diuinis possint laudibus deseruire. Cum itaque pro huiusmodi edificiis consummandis ac etiam pro sustentatione arte uite ipsorum indigeant fidelium iuuari subsidiis qui propter Christum extreme ferunt sarcinam paupertatis. uniuersitatem uestram rogamus et hortamur in domino in remissionem uobis peccaminum iniungentes quatinus eis pias elemosinas et grata caritatis subsidia erogetis ut per subuentionem uestram opus huiusmodi consumari ualeat et alias eorum indigentie prouideri ac uos per hec et alia bona que domino inspirante feceritis ad eterne possitis felicitatis gaudia peruenire. Nos enim de omnipotentis dei miscricordia et beatorum Petri et Pauli apostolorum eius auctoritate confisi omnibus uere penitentibus et confessis qui eisdem pro consumatione operis uel pro i[p]sorum necessitatibus releuandis manum porrexerint adiutricem quadraginta dies de iniuncta sibi penitentia misericorditer relaxamus. Datum Perusii xvi kalendas iunii pontificatus nostri anno nono. | Kilde:Diplomatarium Danicum 2:1, nr. 62. Emneord:Byliv
-
Gejstlige institutioner og personer
- Pave og pavestol
Dokumenter
- Aflad
|
