Roskilde, 1. august 1256 - 1257 Sammenfatning, DanskKong Kristoffer 1. anmoder pave Alexander 4. om at vise velvilje mod grevinde Ingerd af Regenstein og hendes klostergrundlæggelse.Roskilde, 1. august 1256 - 1257 Originaltekst, LatinSanctissimo patri ac domino. Alexandro dei gracia sacrosancte Romane sedis summo pontifici. Cristoforus eadem gracia Danorum Slauorumque rex. deuota pedum oscula beatorum. Quoniam nobilis et deuota domina Ingærth comitissa quondam de Reyngsten conuersationis et fame laudabilis prolem non habens nec parentes fratres. uel sorores de bonis sibi a deo collatis claustrum ordinis pauperum sororum a beato Francisco primitus instituti intendit fundare in regno nostro in dyocesi Roskildensi ad honorem dei et matris eius uirginis gloriose. sanctitati uestre quantas possumus preces porrigimus una secum ut attendentes profectum animarum qui ex hoc speratur firmiter prouenire consueta sedis apostolice benignitate dignemini tam pro negocio fauorem beniuolum impertiri. ut auctoritate uestra ad quam noscitur ut intelleximus inmediate et specialiter pertinere possit ab ipsa fundari claustrum ordinis supradicti. precipue cum a regno nostro. et regnis. Suecie. et Norwegie huius religionis monasteria sint remota. et multe honeste persone ut confidimus in eodem ordine pocius quam alio. pro perfeccionis exemplo celesti sponso cupiant famulari. cui eciam operi pie intendimus deo dante consilio et auxilio non deesse. Hanc autem litteram propter uarios euentus apertam esse uoluimus ad cautelam. | Kilde:Diplomatarium Danicum 2:1, nr. 193. Emneord:Konger og dronninger
-
Gejstlige institutioner og personer
- Pave og pavestol
- Kloster
|
