Roskilde, 5. januar 1257 Sammenfatning, DanskPave Alexander 4. paalægger bisp Peder af Roskilde at give grevinde Ingerd af Regenstein tilladelse til at bygge et clarisserindekloster i Roskilde stift. Roskilde, 5. januar 1257 Originaltekst, LatinAlexander episcopus seruus seruorum dei. uenerabili fratri. . episcopo Roskildensi. salutem et apostolicam benedictionem. Ex parte dilecte in Christo filie nobilis mulieris Ingardis relicte. . comitis de Regenstein uidue fuit nobis humiliter supplicatum ut cum ipsa propter specialis deuotionis affectum quem ad ordinem beati Damiani gerit quoddam monasterium ipsius ordinis in honore beati Francisci in tua diocesi construere intendat de bonis propriis et dotare faciendi hoc sibi licentiam concedere curaremus. Uolentes igitur tibi in hac parte deferre. fraternitati tue per apostolica scripta mandamus quatinus eidem nobili postulata concedas si expedire uideris sine iuris preiudicio alieni. Datum Laterani nonas ianuarii. pontificatus nostri anno tertio. | Kilde:Diplomatarium Danicum 2:1, nr. 302. Emneord:Gejstlige institutioner og personer
- Biskop
- Pave og pavestol
- Kloster
|
