Aalborg, 18. december 1534 Originaltekst, TyskI et Brev, dat. Hamborg Mandag efter Circumcisionis (?) 1535, sender Jacob v. Barthen Raadet i Danzig en Afskrift af et Brev fra Johan Rantzau selv til en Slægtning i Holsten om det jydske Tog, der lyder saaledes:"Leve ohem, so gi weten, dat my myn G. H mit eynem antell kriegszuolk tho rosse vnd to vote hir jn Guidland geschicket heft, so kan jek Jw for nige tydyng nicht bergen, wo jd my ollenthaluen vorschleit. So gi one twiuel woll weten, alss jck van Koldinge aftoch nach Warde, dor sick denne eyn buer edder verhundert versamlet hadden. Do se nu eyn solckene vernahmen hebben, dat jck geknmen byn, hebben se sick gereppet und uns gantz nowe entkamen. Darnach byn jck getagen mit den knechten sampt den andern beidenn fenlyn, so my myn G. H. heft thogegeuen, nach einer brugge, de hett Schirnowe, js acht (sic) milen van Warde, doch byn jck eyne nacht vnder wegen gelegen; an dersulven bruggen dar hadden sick vele buren versamlet vnnd de brugge afgeworpen, vnnd jck heppe vp veer ader vieff mielen nicht vmmethen konnen, vnd wen id solde ummegetagen hebben, so solden die knechte jn dissen winterdagen durch dree edder veer orden wente thor gordelstede gewaden hebben; der orsake hebbe jck den toch mit den kriegszluden recht up de brugge getagen, dar sick denne vele buren versamlet hadden. Darsuluigest hebben wie fluchs tho einander jngeschaten, doch mit unssem handgeschutte se so hart geangsliget, dat se van der bruggen geweken. Do hebben wii vns vndersthan de brugge wedder tho maken. So se nu dat gesehen, sin se vor vns geflagen, vnnd sin fordann nah eynem stetlin getagen den andern dach, Rinckopingk genhomet; dat sulve stetlin hedde vele schult tho dissenn vpror. Dor funden wie wieff, man noch kindt tho hus, vnnd stunden gantz leddich. Dor kakeden wie vnnd richteden suluen (sic: stichte den suluen?) ann, vnnd toch den morgen van dar wente vp ein dorp veer mielen van dannen; darsuluigest krege wie tydyng, dat sick eyn buer edder viff dusendt versamlet hadden jn einein stetlin, hett Holstebro. Dar toge wie denn andern dach hen. Kume ein stunde vor vns, ehe wie dar kemen, hadden de buren erfaren, dat wie kernen vnd lepen ock dar wech vnnd dorsten vns dar nicht wachten. Darsuluigest lege wie twee nachte, vnnd hebben vns de buren vmmeher, wo jck getogen byn, vnszem g. H. gelauet vnnd geschwarenn. Van dar bin jck getagen jn ein stetlin, hell Schiffe, dar hebbe jck erfaren, dat schipper Clement, schipper Herman mit all erem anhange tho Wiborch mit vele duszend buren tho hope weren. Vnnd wie sind van dar ock vpgetagen wente vp den haluen wech tho Wiborch. Vnnd jck hadde tho my jnt feld bescheden de dree fenlin knechte, de jck vormals tho Randerhusen gebracht hadde. Do jck nu de dree fenlin tho mynen sosz fenlin knechte (sic), do wolde jck nu mit den negen fenlin de buren to Wiborch angegrepen hebben; do kam my kundtschap, dat schipper Clement, schipper Hermen mit erem anhange nah Alborcht geschlagen (geflagen?) was. Do bleff jck ock tho Wiborch twee nachte, vnnd leet de buren wedder huldigen vnnd schweren. Darnach loch jck jn dreen dagen de twelff mielen van Wiborch wente Alborch, vnnd legerde my den dorden dach vp eine halue mile nah Alborch, vnnd nham tho my de beuehlszlude, vnnd besach Alborch jn der nacht; vnnd do jck jd besehen hadde, do word jck mit enne reddich, dat wie vp den morgen jn der fregede ein morgensupplin mit enn eien wolden, vnnd verordenden vnsze dinge alszus, dat beide ruter vnnd landtzknechte stormen solden: dan wie de nacht woll horden, dat mit macht darinne arbeideden, als wie jd besichtigeden; vnnd woll (wer) tho Alborch for gewesen ist, vnnd nu sut, de sall seggen, dat se jd mit macht beuchstiget hebben. Alszo houen wie an tho stormen, vnnd stormeden eine grote stunde, wo jd nicht anderthalffe was, vnnd wereden sick ock nemlick (menlick?), ock hadden se de were mit gudenn geschutten vmmehcre besettet; doch gaff vns Godt dat gluck, dat wie den storm erouerden, vnnd de fiende worden alle erworget, den he mit landtzknechten, voszknechten, buren vnnd borgern tusschen acht vnnd negenhundert starck was. Unnd schipper Clement entronde suluest vp einem klepper vth der stadt, dat enn vns de buren jn vnsze hande wedder brochten. Dartho hebben wie ennen afgewonnen dre gude schepe, dat ene horde ein tidtlangk dem bisschop van Wentzuszel, dat andere js der hamborger barcke, dat drudde ein boier; de boier vnnd de hamboier barcke hebben gudt geschutte jnnen. Dartho hebben wie Hans Witcken ock gefangen etc." (sic). | Kilde:Aktstykker til Nordens Historie i Grevefeidens tid I-II II, s. 468-70. Emneord:Opland - Byliv - |
