• By:
  • Perioder:
    Fx "1200-tallet", "1280'erne", 1286", "22. november 1286"
  • Kategori:
  • Type:
  • Sprog:
  • Tekst:
  • Søg Nulstil


Odense, 1135 - 1139  Sammenfatning, Dansk

R(ikulf), biskop af Odense, B., prior, og konventet sammesteds til R(eginaldus), abbed af Evesham, og konventet der. Fornyelse af broderskabsakten mellem klostrene.

Odense, 1135 - 1139  Originaltekst, Latin

Riculus. Dei gratia episcopus Othenesi. et. B. prior, totusque conuentus karissimis dominis et amicis domino. Reginaldo abbati Eueshamensi totique conuentui. Cun[c]tis quoque fidelibus salutem. et debitam dilectionem.

Notum sit omnibus Dei cultoribus tam presentibus quam futuris sanctam Otheniensem ecclesiam. ab Eueshamensi ecclesia a Dei genitrice electa; monachica institutione regulariter insignitam temporibus Willelmi iunioris regis Anglorum et Erici sapientissimi regis Danorum. Quamobrem inter matrem et filiam huiusmodi statutum est priuilegium. ut quamuis eas corporaliter diuidat terraru[m] spatium; sint tamen omnimodis spiritaliter idem et unum.

Si quis fratrum Eueshamensium cum licentia abbatis sui et literis commendaticiis ad Otheneseiam uenerit. sit ibi quanto tempore cupit. et permiserit licentia. omnino subditus. et obediens priori eiusdem loci, in capitulo. et in omnibus aliis locis. habens neccessaria de illo loco, quamdiu ibi fuerit. sicut unus ex fratribus loci. Si quis uero alitor uenerit; propter uitandam securitatem exeundi de claustro. atque occasionem peccandi omnino a tali consortio repudiabitur. Similiter apud Euesham fiat. Pro fratribus uero defunctis hoc utrimque seruabitur. anniuersarium in martir[o]logio scribetur. cibus triginta diebus pro fratribus dabitur. pro pastoribus autem locorum integro anno. triginta officia plenaria in conuentu cantabuntur singuli fratrum triginta missas uel decem psalteria persoluent. Mox ut breue defuncti uenerit; tabula pulsabitur. uigilia cantabitur. sonabunt classicum.

Defuncto priore Othenisie. et alio in eius loco astipulantibus rege et episcopo electione totius capituli constituto. siue de Othenisia. siue de Eueshamio. si opus et uoluntas congregationis Othenisie fuerit res ad conuentum Eueshamensem. et patrem loci deferetur. uel ab ipso priore electo uel ab eius nuntio illorumque consilio. prece. et adiutorio pro posse roborabitur.

Hec seruans seruetur destruens a Deo destruatur. Fiat. Fiat. Fiat. Amen.

Ego Riculfus episcopus subscribo. Ego Riqui episcopus subscribo.

Ego Illuch episcopus subscribo.
Kilde:Diplomatarium Danicum 1:2, nr. 66.
Emneord:Gejstlige institutioner og personer
- Konvent
- Prior
- Kloster
Byliv
- Gudstjenester, sjælemesser, vigilis og vesperes
Andre udgaver af denne tekst:Odense 1135 - 1139 DRB - 1:2, nr. 66.
Tilbage