Odense, 14. november 1226 Sammenfatning, DanskLateranet. Pave Honorius III tager benediktinerklostret Skt. Knud (i Odense) i sin beskyttelse, stadfæster dets rettigheder og besiddelser og giver brødrene tiendefrihed af nybrud, som de dyrker selv, samt af afkommet af deres dyr. Han forbyder dem at forlade klostret, medmindre de ønsker at gå over til en strengere orden, giver dem ret til at foretage begravelser, andre kirkers ret uforkrænket, og bevilger dem frit priorvalg. Paven indskærper, at klostret ligger under (Odense)bispens jurisdiktion.Odense, 14. november 1226 Originaltekst, LatinHonorius episcopus seruus seru[oum dei] dilectis filiis priori monasterii beate, Marie sanctorumque martirum Kanuti [et] Albani eitisque, fratribus tam presentibus quam futuris regularem uitam professis in perpetuum.Religiosam uitam eligentibus apostolicum conuenit adesse presidium ne forte cuiuslibet temeritatis incursus aut eos a proposito reuocet aut robur quod absit sacre religionis infringat. Eapropter dilecti in domino filii uestris instis postulacionibus elementer annuimus et prefatum monasterium beate Marie sanctorumque martirum Kanuti et Albani in quo diuino estis obsequio mancipati sub beati Petri et nostra protectione suscipimus et presentis scripti priuilegio communimus Inprimis siquidem statuenntes ut ordo monasticus qui secundum deum et beati Benedicti regulam in eodem loco institutus esse dinoscitur perpetuis ibidem temporibus inuiolabiliter obseruetur.Preterea quascumque possessioncs quecuinque bona idem monasterium inpresentiarum iuste ac canonice possidet aut in futurum concessione pontificum largicione regum uel principuin oblacione. fidelium seu aliis iustis modis prestante domino poterit adipisci firma uobis uestrisque successoribus et illibata permaneant. In quibus hec propriis duximus exprimenda uocabulis locum ipsum in quo prefatum monasterium situm est cum omnibus pertinenciis suis in Feonia in Lalandia in Herre in Halse in Iutia in Rimo. et in Sild possessiones et terras ac alias possessiones cum pratis uineis terris nemoribus usuagiis et pascuis in bosco et plano in aquis et molendinis in uiis et semitis et omnibus aliis libertatibus et immunitatibus suis.Sane noualium uostrorum que propriis nianibus a[ut] sumptibus Colitis vel de nutrimentis animalium uestrorum nullus a uobis decimas exigere vel extorquere presumatLiceat quoque uobis clericos uel laicos liberos et absolutos e seculo fugientes ad conuersionem recipere ac eos absque contradictione aliqua retinere Prohibemus insuper ut nulli fratrum ues[trorum] post factum in monasterio uestro professionem fas sit sine prioris sui licencia de eodem loco nisi artioris religionis obtentu discedere. Discedentem uero absque communium litterarum uestrarum caucione nullus audcat retinere Sepulturam quoque ipsius loci liberam esse decernimus ut eorum deuocioni et extreme uoluntati qui se illie sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Decimas preterea et possessiones ad ius ecclesiarum uestrarum spectantes que a laicis detinentur redimendi et legittime liberandi de manibus eorum et ad ecclesias ad quas pertinent reuocaudi libera sit uobis de nostra auctoritate facultas. Obeunte uero te nunc eiusdem loci priore uel tuorum quolibet successorum nullus ibi qualibet subreptionis astucia seu uiolentia preponatur. nisi quem fratres communi consensu uel fratrum pars maior et sanioris consilii secundum deum et beati Benedicti regulam prouiderint eligendum. Paci quoque et tranquillitati uestre paterna in posterum sollicitudine prouidere uolentes auctoritate apostolica prohibemus ut infra clausuras locorum seu grangiarum uestrarum nullus rapinam seu furtum facere ignem apponere sanguinem fundere hominem temere capere uel interficere seu uiolentiam audeat exercere. Decernimus ergo ut nulli omnino hominum liceat prefatum. monasterium temere perturbare aut eius possessiones auferre uel ablatas retinere minuere seu quibuslibet uexacionibus fatigare sed omnia integra conseruentur eorum pro quorum gubernacione ac sustentacione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularisue persona hanc nostre constitucionis paginam sciens contra eam temere uenire temptauerit secundo tercioue commonita nisi reatum suum congrua satisfactione correxerit potestatis honorisque sui careat dignitate reamque se diuino iudicio existere de perpetrata iniquitate congnoscat et a sacratissimo corpore ac sanguine dei et domini redemptoris nostri Ihesu Christi aliena fiat atque in extremo examine districte. subiaceat ulcioni Cunctis autem eidem loco sua iura seruantibus sit pax domini nostri Ihesu Cliristi quatinus et hic fructum bone actionis percipiant et apud districtum iudicem premia eterne pacis inueniant. Amen.Datum Laterani per manum magistri Sinibaldi auditoris contradictarum litterarum domini pape xviii kalendas decembris indictione .ia. incarnationis dominice anno m°cc.xxvi°. pontificatus uero domini Honorii pape. iii anno undecimo. | Kilde:Diplomatarium Danicum 1:6, nr. 62. Emneord:Opland
-
- Fægang og græsgang
- Skov
- Ager og eng
Afgifter, told og skatter
- Tiende
Erhverv
- Skovbrug og gartneri
Gejstlige institutioner og personer
- Biskop
- Pave og pavestol
- Prior
- Kloster
Dokumenter
- Privilegium
- Stadfæstelse
Byliv
- Tyveri og hærværk
- Vold
|
