Ribe, 1162 Originaltekst, LatinMortuo Helia et sepulto iuxta sanctum Leofdanum factus est episcopus Radulphus Anglicus regis Woldemari primi cancellarius anno Domini 1152. Cuius consecratio per Eskillum archiepiscopum ad annos quatuor est suspensa propter crimina homicidii et apostatiæ sibi imputata. Tandem data quadam mansione monachis apud Løghum quarto anno electionis consecratur. Qui fratres dispares habitu volens reducere ad unitatem mandauit, ut uel formam Vibergensis ecclesiæ sub regulari conuersatione uel sæcularium canonicorum Hildensemensium concorditer sectarentur, sed plurima pars iuuenum ad sæcularia pronior sæculi uitam præelegit. Tunc per decanum electum census communes singulis diuiduntur ad uestitum. Episcopo autem uolente canonicare capellanum suum Vincentium fratres dissentientes in capitulo se pugnis impie percusserunt dirupto superpelliceo episcopi et magistro Bonifacio scholastico et canonico uerberato. Appellatum est ad metropolitanum Eskillum manente ecclesia interdicta a festo sancti Laurentii usque ad Cenam Domini. Lite sedata ius electionis fratribus confirmatur.Tunc habuit ecclesia decanum Menardum et duos archidyaconos scilicet Walterum et Radulphum. Tempore illo episcopus sancti Leofdani martyris ossa in scriniis posita collocat in altari absque auctoritate papæ et archiepiscopi. Sed incendium parum post subsequutum ecclesiam destruxit et martyris ossa incinerauit. Post hoc episcopus clanculo per Stephanum archiepiscopum Sueciæ fratres de apostasia coram Alexandro tertio pontifice Romano accusauit literasque recepit quatinus ad regulam professionis suæ constringerentur. Tenor est iste:Istæ literæ legebantur in Ringstat coram omni multitudine in elenatione beati Kanuti martyris, patris regis Waldemari. Sed quia episcopus non longe post obiit, de hiis et de aliis nichil amplius actum est. Episcopus hic sepultus est ante altare Crucis in medio pauimenti. | Kilde:(Ny) Kirkehistoriske samlinger 6 I 28-30. Emneord:Gejstlige institutioner og personer - |
