Ribe, 30. januar 1197 Sammenfatning, DanskPave Cølestin 3. stadfæster på anmodning af biskop Omer af Ribe kong Knud 6. og hans forgængeres gave til kirken i Ribe på halvdelen af al kongelig ret i staden Ribe med undtagelse af forban, vrag og 40 marks bøder.Ribe, 30. januar 1197 Originaltekst, LatinCelestinus episcopus seruus seruorum dei. uenerabili fratri Omero episcopo Ripensi. salutem et apostolicam benedictionem.Equitas iuris et consuetudo ecclesie nichilominus approbata requirunt ut que racionabiliter possidentur. confirmacionis auctoritatem ab hac sede recipiant que est ab ipso Ihesu Christo supra firmam petram propter meritum beati Petri constructa. Eapropter uenerabilis in Christo frater tuis iustis precibus annuentes. donaciones et concessiones super medietate omnium iuri regio in ciuitate Ripensi attinencium. exceptis forban. wørek. et quadraginta marcharum sogn. a karissimo in Christo filio Kanuto illustri rege Danorum et progenitoribus suis ecclesie Ripensi. deliberacione prouida factas. sicut illa eadem ecclesia iuste ac sine controuersia possidet et in eiusdem regis ac uenerabilis fratris nostri Absalonis Lundensis archiepiscopi. apostolice sedis legati autenticis continentur expressa tibi et ipsi ecclesie auctoritate apostolica confirmamus. et presentis scripti patrocinio communimus. Decernimus ergo ut nulli omnino hominum licitum sit hanc nostre paginam confirmacionis infringere uel ei ausu temerario contraire. Si quis autem hoc attemptare presumpserit indignacionem omnipotentis dei et beatorum Petri et Pauli apostolorum eius se nouerit incursurum. Datum Laterani. iii. kalendas februarii. pontificatus nostri anno se[xt]o. | Kilde:Diplomatarium Danicum 1:3, nr. 219. Emneord:Konger og dronninger
-
Gejstlige institutioner og personer
- Biskop
- Sogn
- Ærkebiskop
Dokumenter
- Privilegium
Mønt, mål og vægt
- Møntsort
|
