Odense, 17. februar 1245 Sammenfatning, DanskPaven tilstaar Prioren og Domkapitlet i Odense, at hvis Biskoppen skulde blive saa vanmægtig, at han ikke kan røgte sit Embede, skal ingen Koadjutor kunne indssettes uden deres Samtykke.Odense, 17. februar 1245 Originaltekst, LatinDil. filiis priori monasterii s. Kanuti eiusdemque fratribus tam presentibus quam futuris regularem vitam professis in perpetuum. Religiosam vitam eligentibus [etc. usque infringat]. Eapropter, dil. in Domino filii, vestris justis postulationibus clementer annuimus et monasterium s. Kanuti Ottoniense, in quo divino estis obsequio mancipati, sub b. Petri et nostra protectione suscipimus (etc. ut Nr. 11 usque] vocabulis: Locum ipsum, in quo prefatum monasterium situm est, cum omnibus pertinentiis suis, curiam Beronis cum balneo, colonis et molendinis ac aquarum decursibus, prata, que dicuntur Bromhat, Pamhat, Akamhat, silvam, que dicilur Thorslund. redditus ad fabricam monasterii vestri spectantes, qui dicuntur denarii s. Marie, redditus denariorum usualis monete, que vulgariter dicitur bool: redditus, qui dicuntur denarii s. Kanuti, in Feonia, in Julia, Halso, Erre, Toslandia, Laglandia, Laalandia, Falstera cum Burgendeholm, cum terris, pratis, vineis, nemoribus, usuagiis et pascuis, in bosco et plano, in aquis et molendinis, in viis et semitis, et omnibus aliis libertatibus et immunitatibus suis. Sane novalium vestrorum, que propriis manibus aut sumptibus colitis, de quibus aliquis hactenus non percepit, sive de vestrorum animalium nutrimentis nullus a vobis decimas exigere vel extorquere presumat. Liceat quoque vobis clericos vel laicos [etc. ut Nr. 55 usque] retinere. Prohibemus insuper etc. ut Nr. 55 usque] audeat retinere. Cum autem generale interdictum fuerit, liceat vobis, clausis januis, exclusis excommunicatis et interdictis, non pulsatis campanis, voce subpressa divina offcia celebrate, dummodo causam non dederitis interdicto. Crisma vero, oleum sanctum, consecrationes altarium seu basilicarum, ordinationes monachorum, qui fuerint promovendi, a diocesano suscipietis episcopo, si quidem catholicus fuerit et gratiam et communionem s. Romane sedis habuerit et ea vobis voluerit sine pravitate aliqua exhibere. Prohibemus insuper, ut infra fines parrochie vestre nullus sine assensu diocesani episcopi et vestro capellas seu oratoria de novo construere audeat salvis privilegiis pontificum Romanorum. Ad hoc novas et indebitas exactiones archiepiscopis, episcopis, archidiaconis seu decanis aliisque omnibus ecclesiasticis secularibusve personis a vobis omnino fieri prohibemus. Sepulturam quoque ipsius loci liberam esse decernimus, ut eorum devotioni et extreme voluntati, qui se illie sepelire deliberaverint, nisi forte excommunicati vel interdicti fuerint aut etiam publici usurarii, nullus obsistat salva tamen justitia illarum ecclesiarum, a quibus mortuorum corpora assumuntur. Decimas preterea et possessiones etc. ut Nr. 205 usque] de nostra auctoritate facultas. Obeunte vero te, nunc eiusdem loci priore. vel tuorum quolibet successorum nullus ibi qualibet subreptionis astutia [etc. ut Nr. 205 usque] consensu vel fratrum maior pars consiiii sanioris secundum Deum [etc. usque] locorum vestrorum nullus rapinas[etc. usque] exercere. Preterea omnes libertates et immunitates a predecessoribus nostris Romanis pontificibus ordini vestro concessas necnon libertates et exemptiones secularium exactionum a regibus et principibus vel aliis fidelibus rationabiliter vobis indultas auctoritate apostolica confirmamus et presentis scripti patrocinio communimus. Decernimus ergo, ut nulli omnino hominum [etc. usque] diocesani episcopi canonica justitia. Si qua igitur [etc. usque] ultioni. Cunctis autem [etc. ut Nr. 10, I usque] inveniant. Amen.Ego Innocentius catholice ecclesie episcopus ss. [se: subscribo].Ego Petrus tituli s. Marcelli presbiter cardinalis ss.Ego Vilhelmus basilice XII apostolorum presbiter cardinalis ss.Ego frater Johannes tituli s. Laurentii [in] Lucina presbiter cardinalis ss.Ego frater Hugo tituli s. Sabine presbiter cardinalis ss.Ego Oto Pontuensis (!) et s. Rufine episcopus ss.Ego Petrus Albanensis episcopus ss.Ego Vilhelmus Sabinus episcopus ss.Ego Odo Tusculanus episcopus ss.Ego Egidius ss. Cosini (!) et Damiani diaconus cardinalis ss.Ego Goffridus s. Adriani diaconus cardinalis ss.Ego Petrus s. Georgii ad Velum aureum diaconus cardinalis ss.Ego Johannes Nicolai in Carcere Tulliano diaconus cardinalis ss.Datum Lugduni, per manum magistri Marini Romane ecclesie vicecancellarii, 13. kal. martii anno 2. | Kilde:Bullarium Danicum I nr. 346, s. 287 - 89. Emneord:Gejstlige institutioner og personer
- Biskop
- Domkirke
- Pave og pavestol
- Prior
|
