Ribe, 3. januar 1215 Sammenfatning, DanskJørgensborg. Kong Valdemar II Sejr kundgør, at han til nonneklostret ved Skt. Nikolaj i Ribe har solgt sine besiddelser i Tange, herunder en mølle med fri formaling, vogne, jorder og enge.Ribe, 3. januar 1215 Originaltekst, LatinIn nomine sancte et indiuidue trinitatis. Ego Waldemarus, dei gracia Danorum Slauorumque rex, uniuersis Cristi fidelibus, presentibus et futuris, salutem in uero salutari.Quoniam breuis est humana memoria et ad malum preceps etas presens, adeo quod uocis eciam uiue testimony[um] refri[n]gatur factumque proprium frequenter nititur irritare, huius mali remedium priorum prudencia adinuenit, inuentum scripto reliquit posteris imitandum, ut quecumque perpetualiter instituerentur digna memoria, ne gestorum seriem processu temporis deleret obliuio aut malignantibus daretur nouercandi occasio, scripture testimonio sua munire gesta prouide decreuerunt. Quibus morem gerentes presenti pagina nostra signata autentico in memoriam rei geste notificandum duximus uniuersis, quod sanctimonialibus ad sanctum Nicolaum Ripis possessiones nostras in Tunge, molendinum cum libera molacione cuiuslibet farris, currus, predia, prata, campum cum suis terris, quas nos usque ad tempus alienacionis possedimus, pro pleno precio iuste et diligenter dimisimus iure perpetuo possidendas. Quicumque in posterum facti nostri calumpniator temerarius extiterit, in die districti examinis omnipotentis dei, quam prouocat, offensam senciat et uindictam.Anno dominice incarnacionis m.cc.xv. datum Jurisborgh iii. nonas ianuarii.Ego Nicolaus, Sleswicensis episcopus, cancellarius etcetera. | Kilde:Diplomatarium Danicum 1:5, nr. 54. Emneord:Konger og dronninger
-
Byens bebyggelse
- Mølle: heste-, vejr-, vind- og vandmølle
Opland
- Ager og eng
Gejstlige institutioner og personer
- Kloster
|
