Roskilde, 1133 Originaltekst, LatinInterea Nicolaus, Haraldi Theutonicorum supplicia exigentis precibus inclinatus, Roskykliam irrupit comprehensosque in urbe Germanos incentoris arbitrio multandos dimisit. Quos Haraldus, tum quia tormentorum opifices, tum quia de falsa nece sua gloriantes audierat, extrema narium parte præcisa, deformes reddidit, percontatus, an Haraldus eorum fuerit iaculis interfectus.Tunc quidam ex his, applicatum ori suo cultrum aspiciens, parcendum sibi, quod doctus esset, asseruit. Haraldus hominem litterarum peritum existmans, revocato lictore, ad epulas perductum ipsas, ut fieri assolet, sollemnium nuncupationc verborum dedicare præcepit. Cui captivus suendi se, non sacrandi professorem respondit. Haraldus, hominis acumine delectatus, impunitatem astutiæ tribuit iramque, quam deceptus abiecerat, correctus repetere erubescebat, ne errorem supplicio emendare videretur. | Kilde:Saxonis Gesta Danorum s. 362 - 63. Emneord:Konger og dronninger - Erhverv - Håndværkere af alle slags - Skomager og suder Byliv - Vold |
