Roskilde, 1164 - 1178 Sammenfatning, DanskAbsalon, biskop af Roskilde, skænker og skøder til det nyoprettede Mariakloster i Roskilde hele sin tiende af byen samt sin gård i Hove med alt, hvad han senere kan erhverve til den.Roskilde, 1164 - 1178 Originaltekst, LatinIn nomine sancte et indiuidue Trinitatis, tam presenti [fidelium uniuersitati]. quam future in Christo regenerande posteritati [in perpetuum]. Ego Absalon. non humanis meritis. sed diuina in me ordinante gratia. Roskildensi sedi et ecclesie addictus episcopus.Notificare dignum duxi. et fidelium memorie commendare. quod claustrum sancte Marie in ciuitate Roschildense nouella fundatione irrigatum. et pio iuuantium labore constructum. subscripta dote dotauerim; sperans in resurrectione beatorum me recepturum pro paruis magna. pro terrenis celestia. pro temporalibus sempiterna. uidelicet uniuersam decimationem nostram in ciuitate Roschildense perpetuis temporibus colligendam. et mansionem nostram in Hofwum cum omnibus adiacentibus. et adhuc adiuuante domino inibi conquirendis per nos. superius nominato loco. et sanctismonialibus locum colentibus. tradidi. et uulgari consuetudine super altare scottaui. multis fidelibus astantibus. clericis et laicis. et rem legaliter gestam intuentibus. intuitam quoque quamdiu uiuunt testificantibus Ne qua igitur ecclesiastica. secularisue persona, moderna, siue futura. dubia pro certis recipiat. et de canonica collatione credula non permaneat. presenti paginam istam imaginis nostre inpressione munimus. et confirmamus. et successorum nostrorum episcoporum. omniumque Christi fidelium oculis et credulitati perpetuo inspiciendam relinquimus.Ego Symon abbas de Sora. SS.Ego Ysaac prepositus. ss.Fratres de hospitali in Hierusalem subscripserunt.Ego Walterus huius episcopi capellanus. ss.Clerici multi. et laici fideles astantes. et hec uidentes. licet manibus non subscribant. corde et deuotione actionem sacre donationis approbant. et collaudant. | Kilde:Diplomatarium Danicum 1:2, nr. 163. Emneord:Afgifter, told og skatter
- Tiende
Gejstlige institutioner og personer
- Biskop
- Kloster
Opland
- Landsby
|
