Odense, 1174 Sammenfatning, DanskKong Valdemar 1. den Store stadfæster i lighed med sin far fader kong Erik Ejegod Odenseklostrets overenskomst med moderklostret i Evesham. Odense, 1174 Originaltekst, LatinWaldemarus dei gratia rex Danorum. uniuersis sancte matris ecclesie filils salutem.Quod antiqua predecessorum nostrorum maiestas firmauit. nullatenus uolumus infirmare. uerum prout debemus et possumus roborare. et ampliare. Notum satis est et uerum est. quod cum auus meus pie memorie Ericus aput Othenesei monachos habere disponeret suggerente et constituente Hubaldo tunc ibidem episcopo. edificatores primos de ecclesia Eueshamensi et monastice religionis institutores accepit. Dignum itaque iudicamus ut confederationem ecclesie de Othenesei quam habet ad matrem suam ecclesiam de Eueshamia et dignitatem quam habet ecclesia. Eueshamensis in filiam ecclesiam de Otheneseia a prefato auo nostro Erico confirmatam. auctoritate nostra firmemus. ut scilicet ecclesia de Othenesei matrem suam de Eueshamia ueneretur. consilium et auxilium in desolatione ab ea querat. ecclesia de Eueshamia filiam suam ecclesiam de Othenesei et filios inibi habitantes diligat. et foueat. prior loci de Othenesei apud Eueshamia uelOtheneseia eleotus. auctoritate matris ecclesie de Eueshamia firmetur. Si quis frater cum licentia ad utroslibet uenerit sicut monachus ecclesie suscipiatur. nec in aliquo quod ad fratres ecclesie pertineat fiat alienus. Sic usque ad tempora nostra fuisse. et sie esse debere. et hec Otheniensis et illa Eueshamensis testatur ecclesia. Quod et nos in omnibus in perpetuum obseruari uolumus. et auctoritate nostra precipimus. et ne ducatur id in irritum ut inconcussum. et ratum maneat sigilli nostri testimonio confirmamus. Hec conseruantes conseruet dominus. renitentes et obloquentes impugnet altissimus. Amen. Data est carta anno dominice incarnationis. m°.c°. lxxiiii0. per manum fratris Willelmi a corpore ecclesie de Eueshamia tunc in priorem electi. et ad regimen prioratus Otheneseiam transmissi. et per propriam manum nostram ibidem introducti. presidente tunc eidem loco uenerabili episcopo. S. et presente Frethericho Hethebiensi episcopo. | Kilde:Diplomatarium Danicum 1:3, nr. 48. Emneord:Konger og dronninger
-
Gejstlige institutioner og personer
- Kloster
Dokumenter
- Stadfæstelse
|
