Køge, 29. juli 1317 Sammenfatning, DanskKong Erik 6. Menved fritager borgerne i Køge for at betale den nye skat på omsætning af varer. Køge, 29. juli 1317 Originaltekst, LatinEr[i]cus dei gracia Danorum Slauorumque rex omnibus presens scriptum cernentibus salutem in domino sempitern[am. Notum] facimus uniuersis quod nos exhibitoribus presencium uillanis in Køge exigentibus ipsorum fidelibus seruiciis nobis exhibitis uolentes graciam facere special[em ipso]s uillanos omnes et singulos a solucione noui thelonii hactenus instituti liberos dimittimus penitus et exemptos ita quod cum hospitibus quibuscumque sua mercimonia commiscere non debeant ullo modo et si quis predictorum uillanorum in huiusmodi mercimonii commixtione cum hospitibus deprehensus fuerit probabiliter seu conuictus nisi [iidem] uillani pro sic commixtis mercimoniis cum ipsis hospitibus dictum nouum thelonium [th]elonario nostro soluerint extunc idem sic deprehensus et conuictus uita s[ua] et tota porcione sua capitali sit priuatus hoc adiecto quod si quemquam ipsorum uillanorum pro huiusmodi causa per aliquem thelonarium nostrum incausari contingat idem sic incausatus cum sex discretis uillanis ibidem et tribus hominibus nostris ac tribus bondonibus ibidem circummorantibus fidedignis quos thelonii nostri collector ibidem ad hoc nominauerit se super hoc defendere uel purgare teneatur. Qui quidem sic conuictus pene ut superius exprimitur eo ipso facto se nouerit subiacere. In cuius rei testimonium sigillum nostrum presentibus est appensum. Datum Slawlosie anno domini mccc decimo septimo in die sancti Olaui regis et martiris. | Kilde:Diplomatarium Danicum 2:7, nr. 485 Emneord:Afgifter, told og skatter
-
Konger og dronninger
-
Erhverv
- Markeds- og torvehandel og handel i almindelighed
Opland
- Ulovlig handel
Byliv
- Tyveri og hærværk
Bystyret og andre verdslige institutioner og personer
- Tolder
|
