• By:
  • Perioder:
    Fx "1200-tallet", "1280'erne", 1286", "22. november 1286"
  • Kategori:
  • Type:
  • Sprog:
  • Tekst:
  • Søg Nulstil


Ribe, 1176  Originaltekst, Latin

At Benedictus, coniurationem a consciis regi proditam ratus eumque his, quos incautos opprimere cuperet, callidis simulationis ambagibus veniam polliceri, plerisque militiæ insignibus relictis, Iutiam, qua potuit celeritate, petivit, detectæ factionis nuntio ad Magnum dimisso. Ita perfidum eius animum mordax conscientiæ crimen regiæ mansuetudinis promissis fidem habere vetuit. Quæ res Magno proxima nocte navigio Lubecam proficiscendi indeque Henrici contubernium expetendi causam præstitit. Eodem nuntio Kanutus et Carolus per Benedictum accepto, tacite Ripensium urbe egressi, conscensas apud Randrusium nave, præfectum Gothiæ Birgerum propinquitatis fiducia petivere. Adeo illos malignæ conscientiæ vis, securitate defectos, subito pavore quati coegit.
Kilde:Saxonis Gesta Danorum s. 507.
Emneord:Konger og dronninger
-
Andre udgaver af denne tekst:Ribe 1176 Saxe Olrik - s. 216.
Tilbage