Ribe, 22. april 1340 Sammenfatning, DanskJunker Valdemar, kong Kristoffers søn, lover at overholde den overenskomst, som biskop Svend af Århus, Hasse v.Wedel og Gereke Wolf, brandenburgske råder, har indgået med hertug Albrecht 4. af Sachsen, grev Johan 3. af Holsten og grev Johan af Hoya i striden mellem ham og grev Gerhard 3.s sønner, greverne Henrik og hans brødre.Ribe, 22. april 1340 Originaltekst, TyskWie Woldemar von der gnade gods des hochgeborn fursten konig Cristoffers sun von Tenemarken dem god gnedig si dun kunt allen den di dissen brif sehen oder horent leisen dat wie willen vnd scullin stete vnd gantz holdin alle die teiding die die herbar herre byschoph Swene von Arhusen Hasse von Wedel vnd Gerke Wolf des edeln vorsten marcgreuen Lodewiges von Brandinburg vses liben swagers ratgeuen mit dem hochgeborn vorsten hertoge Albrecht von Sassen vnd mit den edeln mannen greuen Iohan von Holtzen vnsem liben vettern vnd greuen Iohan von der Hoyge twyschen vs vp ein side vnd greue Henrik vnd sinen bruder van Holtzen die greuen Gerhardis erfnamen sin vp die andern side als hir na bescreuen stet To dem ersten mal schal vse lieue bule iuncherre Otte siner vencnisse los wesenVortmer schal men losen Iutlant vor dat ander deyl wenne dat vierde deyl der summe betalet is so schal dat vierdeil los sin van dem lande mit den sloten de schal men vs antworden vnd wem wi et hebben willen Weme denne de slot geantwordet werden die schal vorwissen eft wie vse deidinge breken dat he sik helde an greue Henrik bet an die stunt dat we weder dan hebben Wer ok dat greue Henrik sine teydinge breke so scholn de mit den andern sloten de greuen Henrik pandis stan to Iutland holden an vs bit an de stunde dat greue Henrik weder dan heft Ok schullen die slote vp Iuthlande vs oppen sin wans vs lust Dat erste an der losunge sal sin Caluesø mit dem vierdeil des landis dat ander deil der losunge sal sin Horsenize mit dem vierdeil des landes dat dritte schal sin Coldinghe mit dem vierdeil des landis dat letste sal sin Rypen mit dem vierdeil des landesDat alle disse teidinge stede vnd vast bliuen so hebbe wie Woldemer iuncherre tu Tenemarken de vorbenomde die edele vorste marcgreue Lodewig van Brandinburg vse liue swager vnd greue Gunther von Swartzburg entruwen globit vnd globen an dissem breue dem edeln vorsten hertogen Albrecht van Sassen greuen Ian von Holtzten vnd greuen Iohan von der Hoyge mit den mannen di hir na bescreuen ... die erbar herre byschoph Sweno von Arhusen her Heyne van Scharuerberge her Iohan van Plesse ritdere Hasse von Wedel die elder vnd Gerke Wolf knechte dat wie alle disse vorgescreuen deyding stede vnd gantz holden willen vnd se voltien in vier woken na dem paske tage. Disse brif is gegeuen tu Spandow vnd besegelt na godis bort dusent dre hundert iar dar na in dem viertegestem iar des sunnabendes vor dem suntage so man singet Quasi modo geniti. | Kilde:Diplomatarium Danicum 3:1, nr. 25. Emneord:Afgifter, told og skatter
-
Opland
-
Konger og dronninger
-
Bystyret og andre verdslige institutioner og personer
- Høvedsmand og slotsfoged
- Ridder og ridderorden
- Væbner
Byens bebyggelse
- Mølle: heste-, vejr-, vind- og vandmølle
Erhverv
- Fisker og fiskeri
Gejstlige institutioner og personer
- Biskop
Dokumenter
- Medgift
Mønt, mål og vægt
- Møntsort
|
